Fansat e Kylie Jenner kanë aluduar së fundmi se ajo po përjeton një romancë me Fai Khadra në Paris. Këto dyshime vijnë disa orë pasi 23-vjeçarja postoi disa foto nga Parisi dhe në dy prej tyre shfaqej me Fain dhe dukeshin shumë të afërt, duke bërë që rrjeti të ziejë nga lajmet për një lidhje mes tyre. E teksa fansat kanë vërshuar me komente të shumta pozitive, burime të afërta me Kylie thanë për TMZ se miliarderja nuk është në lidhje me Fai Khadra – pavarësisht thashethemeve ata janë thjesht miq shumë të mirë dhe kanë qenë pjesë e rrethit të vogël shoqëror të njëri-tjetrit gjatë pandemisë.
Nuk është hera e parë që Kylie është fotografuar me modelin palestinez 28-vjeçar. Kylie dhe Fai gjithashtu bënë një udhëtim në Utah me miqtë në fillim të kësaj vere, por ai akoma është në zonën e miqve. Kylie dhe Fai u fotografuan gjithashtu në një makinë sportive së bashku dhe u panë duke ngrënë në Nobu disa muaj më parë. Në korrik, ylli KUWTK shkoi në një udhëtim të mrekullueshëm në shkretëtirë me Fai dhe motrën e saj, dhe fansat filluan me hamendësimet aso kohe. Megjithatë, Kylie nuk e ka konfirmuar nëse janë apo jo duke u frekuentuar. Kujtojmë se ka qenë Kendall ajo që ka prezantuar Kylien me 28-vjeçarin dhe s’i duket marrëdhënia mes tyre ka ecur mirë.
