Kreu i Rezervës Federale, Jerome Powell njoftoi sot një ndryshim historik në qasjen e bankës qendrore amerikane për të kontrolluar inflacionin, duke i mbajtur në mënyrë efektive normat më të ulëta për një kohë më të gjatë. Duke marrë një qëndrim më të qetë, FED kërkon një inflacion në mesatarisht 2 %me kalimin e kohës.
“Nëse inflacioni shkon nën atë objektiv, siç ka bërë për një pjesë të madhe të dekadës së fundit, FED do të lejojë që inflacioni të funksionojë mesatarisht mbi 2 % për ca kohë”, tha Powell. Powell tha se përditësimet i kishin rrënjët në një ekonomi që është rritur me një ritëm më të ngadaltë vitet e fundit dhe inflacioni që nuk u rrit siç pritej, përkundër një shkalle papunësie historikisht të ulët para pandemisë.
Këto ndryshimet vijnë pas një rishikimi të gjatë prej një viti e gjysmë të kornizës së politikës monetare të Komitetit Federal të Tregut të Hapur (FOMC) dhe shënojnë rregullimin më të madh të kësaj kornize, që kur ajo u miratua për herë të parë në vitin 2012.
