Vllaznia kërkon mendimin e tifozëve për të vendosur rreth dizajnit të uniformës që do të përdorin kuqeblutë për sezoni e ri futbollistik. Një model i ngjason fanellës së Barcelonës, një tjetër me klasiken e Bayernit. Qëndrimi i tifozëve do të ketë peshën e vet në dizajnin përfundimtar. Më poshtë njoftimi i Vllaznisë: “Ndonëse periudha nga përfundimi i sezonit të futbollit deri në fillimin e sezonit të ri 2020-2021 është mjaft e shkurtër, drejtuesit po punojnë në kompletimin me bazë materiale si dhe dizenjimin e fanellave të përfaqësimit. Stafi menaxhues dëshiron të ndajë me publikun disa nga modelet të cilat janë duke u punuar. Komentet dhe pëlqimet tuaja do të merren në konsideratë për të përzgjedhur modelin më të mirë. Ju falënderojmë për kontributin tuaj!”
