Deputetja e Partisë Socialiste, Artemis Malo i është përgjigjur dje ashpër nënkryetarit të LSI, Petrit Vasili, i cili sulmoi qeverinë sa i takon situatës së krijuar në Kakavijë.Përmes një statusi në rrjetet sociale, Malo i është përgjigjur Vasilit duke i thënë dhe kujtuar se shteti ishte angazhuar i gjithi për të zgjidhur situatën.Po ashtu, ajo i ka bërë thirrje Vasilit dhe opozitës që të mos e përdorin çështjen politikisht.“Titi godet. Sot, tregoi se është ai dhe shokët pranë shqiptarëve, vetëm ata, se nuk ikin me pushime ata. Po çfarë mund të gjeni tjetër për protagonizëm vallë? Titi, ‘Tavteli’ e shokët, ‘mjekë’ që nuk i pamë si mjekë kurrë, kur kishte nevojë shqiptari i thjeshtë, në rrugë nga tërmetet, përmbytjet, zjarret dhe pandemitë!!Për cilat pushime po flet, ato që çdo qytetar i ka hak pranë familjes, kur punon dhe investon çdo minutë tjetër të ditëve, gjatë gjithë vitit?Po ti ku ishe vetë këto ditë, e “shokët” e tu, që banojnë aq afër radhëve të gjata të ditëve të shkuara, po veç i shihnin radhët e gjata nga dritarja e dolën pastaj “cicëruan” në dritaret e mediave që janë pronarë vetë”, ka deklaruar Malo.Me anë të një postimi në faqen e saj zyrtare në Facebook, deputetja socialiste është shprehur se ajo që ka bërë qeveria ka qenë detyra dhe humanizëm, asgjë më tepër. Më tej ajo ka shtuar se të gjitha strukturat e qeverisë ishin aty pa bërë fare pushim. Por, jo mor zotëri jo! Asgjë më shumë se humanizëm, pa detyrim e detyrë! Shtabe nuk pashë thua! Po ku ti shohësh, nuk duken nga plazhi!Biseda e komunikime nuk pashë thua po ku do t’i shohësh, në cilat reklama do të ti publikojmë?Të garantoj unë, që të dukem e re, e parëndësishme, e pafuqishme, e vogël. Ishim aty, të gjithë, pa pushuar fare!
Në krah dhe mbështetje të njerëzve, të cilët për arsye të ndryshme, që ti nuk ke nga ti dish se nuk i takove kurrë, u gjendën në një ngërç!E isha dhe unë, po dhe shumë si unë, që lamë mënjanë akoma edhe hallet tona personale jetike, pale më plazhet, e i dhamë prioritet situatës!E midis të tjerësh ishim edhe ne që disponojmë edhe pasaporta greke edhe ata që disponojnë vetëm shqiptare, por edhe me disa nënshtetësi të tjera dhe vuajtëm po njësoj, sepse nëse të kujtohet, po vuajmë një pandemi botërore pa dallim feje, krahine e origjine!! Sepse jemi të gjithë të prekshëm njësoj sot”, ka deklaruar deputetja socialiste, Artemis Malo në rrjetet sociale.
