Sekretarja e PDIU-së Mesila Doda, ka folur për situatën politike në vend para fushatës zgjedhore. Ajo thekson se PDIU është në një udhëkryq ku duhet të zgjidhet mes së mirës dhe së keqes. Ndërkaq në Abc News ajo ka folur edhe për deklaratën e ministres së Arsimit Besa Shahini, e cila tha se do të largohet nga Shqipëria pasi të mbarojë mandatin. Para pak ditësh pamë deklaratën e Besa Shahinit që thoshte nuk do jem më ministre, do iki fare nga Shqipëria. Pastaj edhe Lleshaj. Unë e kuptoj që politikanët nuk bëhem në pemë. Ky është një profesion që kërkon pasion e sakrifica.
Ti nuk mund të thuash që isha mirë për sa kohë isha ministër, tani po iki fare e po shoh punët e mia, i kam në rregull gjërat. Në një farë mënyrë edhe vetë demaskohen kështu, se aty ka njerëz të PS që kanë punuar e lu ftuar gjithë jetën. Për ta argumentuar këtë ajo theksoi mungesën e institucioneve të drejtësisë siç është gjykata Kushtetuese. Ndërsa shtoi se jemi defakto në vitin 1990 ku kemi 1 parti në pushtet dhe ajo është Rilindja, jo PS.Ky është një kaos i qëllimshëm, që të harrohen çështjet e ditës. Më bën përshtypje që ende vijojmë të mendojmë që do dalë ndonjë ndërkombëtar që do ta ndalojë këtë një ditë. Vendi është përgjegjësi e jona, shtoi ajo.
