Institucionet arsimore po përgatiten për vitin e ri shkollor, një vit, që nis, në kushtet e “normalitetit të ri”. “Jam gati ta nis shkollën. Gjëja e re është që do mbajmë maskën dhe distancen. Më ka marrë malli edhe për bangën time, shoqet e shokët, mësuesit.
Vit i pazakontë, por do ja dalim. Dorëzova librat e vjetër të fshirë me gomë, dhe mora falas librat e rinj. Ai mësimi online ishte i tmerrshëm, nuk e dua. Unë nuk e harroj maskën, ashtu si dhe telefonin. Po e harrova maskën nuk më lënë të futem asgjëkundi”.
Mbi 250 mijë nxënës në gjithë Shqipërinë përfitojnë libra falas. Këtu përfshihen nxënësit deri në klasën e 7 dhe kategoritë e veçanta deri në klasë të 12.
