Populli thotë “Gusht e gunë”. Gishti iku dhe gunë nuk do ketë as në shtator. Po përjetojmë një mot të nxehtë dhe të thatë. Hakil Peza, Meteorolog: Ditën e sotme temperaturat pritet të shkojnë edhe në 38 gradë celcius. Fundjava do të mbetet me temperatura të larta. Në zonat e ulëta temperaturat do luhaten nga 37-38 gradë celcuis. Ndërsa në zonat malore temperaturat do luhaten në 33-34 gradë. 14 shtatori, përkon me nisjen e shkollës dhe fillimi i javës do të karakterizohet nga mot i kthjellët, me temperatura të larta deri në 37-38 gradë celcius.
Në mes të javës që vjen pritet të kemi freskim të motit me temperatura deri në 34-35 gradë celcius. Vlerat që përjetojmë aktualisht janë 9-10 gradë mbi normalen. Vetëm në 10-ditëshin e fundit të shtatorit, pritet freskim i motit dhe reshje.
