Kryebashkiaku i Kamzës, Rakip Suli ka reaguar pas zjarrit që ra në ambientet e godinës së Bashkisë që ai drejton.
Teksa publikon fotot e godinës e cila u përfshirë nga flakët, Suli thekson se zjarri u shkaktua nga nja shkëndi elektrike, por që gjithçka është vënë nënkontroll nga zjarrëfikëset që sipas tij 6 muaj më parë nuk ishin fare.
“Një shkëndijë elektrike u shkaktua sot jashtë ambientit të Bashkisë Kamëz!
Faleminderit ekipit të zjarrëfikëses së Bashkisë Kamëz, të cilët ndërhynë në kohë rekord duke bërë të mundur shuarjen e zjarrit!
Ndryshe nga sot ku çdo problem e ka një zgjidhje, para 6 muajsh kjo bashki nuk kishte as zjarrëfikëse dhe raste të tilla do të ishin fatale!”, shkruan Suli.
