Kryedemokrati Lulzim Basha e quajti inceneratorin e Elbasanit si aferë e pastër maf ioze, për drejtorin e këtij impianti Enea Murataj çdo akuzë është nënvlerësim i punës kolosale që bëhet aty nga të gjithë punonjësit.
“Po të kalojmë që nga hyrja deri në Bradashesh nuk shohim mbetje as në kanale, në asnjë vend. Më thoni ku janë mbetet, ne mund ta faktojë nëpërmjet prodhimit të energjisë apo orëve të punës të impiantit. Është e rëndë të akuzosh se nuk po punohet. Nuk ka ardhur asnjë person nga opozita, se po të vinte çdo kush do bindej që këtu po bëhet një punë kolosale , çdo akuzë është nënvlerësim i çdo punonjësve që punohet këtu”, tha Murataj për Report Tv.
