Lombardia, rajon i pasur i Italisë së veriut, më i prekuri nga Covid-19, por bëhet gati të vendosë një shtetrrethim natën, i pari që prej fundit të kufizimit në fillim të majit në gadishull, për të ndaluar përhapjen e koronavirusit. Shtetrrethimi do të hyjë në fuqi në orën lokale 23:00 deri në orën lokale 05:00.
“Jam dakord me hipotezën e masave më shtrënguese në Lombardi. Kam folur me presidentin e rajonit të Atilios, Fontana dhe kryetari e Bashkisë së Milanos, Giuseppe Sala dhe ne do të punojmë së bashku në këtë drejtim në orët e ardhshme”, deklaroi ministri i Shëndetësisë, Roberto Speranza. Italia po përballet me një rritje të ndjeshme të rasteve me COVID-19, me më shumë se 10 000 të sëmurë në ditë dhe Lombardia është rajoni më i prekur, ashtu si në fillim të pandemisë, në shkurt dhe mars.
Mushkëria ekonomike e Italisë me Venecian dhe Emilia-Romanjën, Lombardia regjistroi dje 1 687 raste të reja me COVID-19 nga 9 338 raste në të gjithë Italinë. Që prej fillimit të pandemisë, Lombardia ka regjistruar 128 456 raste, prej të cilëve 17 084 të vde kur, sipas shifrave të publikuara nga Ministria e Shëndetësisë.
Nga 12 tetori deri më 19 tetor, numri i të sëmurëve të shtruar në spital në Lombardi është rritur me 145% dhe numri i pacientëve në kujdes intensiv në 126%, duke detyruar autoritetet rajonale të kërkojnë këtë shtetrrethim si dhe mbylljen në fundjavë të dyqaneve që nuk shesin ushqime apo produkte të nevojës së parë.
