”Unë nuk e njoh Covid. Kush beson në zot do të jetojë i lumtur pa Covid”. Kështu do të shprehej në datë 22 Gusht 2020 kryetarja e LSI, njëherësh bashkëshortja e Presidentit Ilir Meta, gjatë pelegrinazhit në Malin e Tomorrit. Ndërsa pas masës për vendosjen e maskës me detyrim, Kryemadhi deklaronte se nuk do ta zbatojë si masë.

Por, ditën e sotme, bashkëshorti i saj, Ilir Meta, teksa shpërndante një shkrim të portalit të Çim Pekës duke i drejtuar një letër ministres së Shëndetësise dhe kryeministrit, shkruante se ”Situata e pandemisë pritet të përkeqësohet drejt një katastrofe, që duhet parandaluar në kohë”

 

View this post on Instagram

 

Nisur nga përkeqësimi i dukshëm i situatës së pandemisë COVID-19, me shtim të numrit të personave të infektuar, e fatkeqësisht me rritje edhe të numrit të qytetarëve të cilën kanë humbur jetën, shtrohet si domosdoshmëri një rivlerësim tërësor i situatës dhe masave të marra në raport me të, duke konsideruar edhe afrimin e stinës së ftohtë, si një tjetër faktor rëndues. Me përshkallëzimin e krizës së rëndë politike e institucionale, veçanërisht pas shkeljes brutale e të njëanshme të Marrëveshjes konsensuale të 5 Qershorit, situata e pandemisë pritet të përkeqësohet drejt një katastrofe, që duhet parandaluar në kohë. Në këto kushte, po bëj publike letrën zyrtare që i kam dërguar ministres së Shëndetësisë, për dijeni Kryeministrit ende në detyrë dhe Kryetarit të Kuvendit. ? https://www.syri.net/kronike/378235/rekord-viktimash-7-te-vdekur-dhe-284-raste-me-covid-ne-24-ore/

A post shared by Ilir Meta (@ilirmeta.faqjazyrtare) on

Deklaratat e çiftit Meta-Kryemadhi janë katërcipërisht të kundërta me njëra tjetrën, ku teksa Monika deklaron se nuk ka Covid, i shoqi shkruan se jemi në prag katastrofe. Tani, çifti duhet të ndajë mendjen nëse ka apo jo Covid. /LEXO.AL

ARTIKUJ TE NGJASHEMME SHUME