Trajneri i Milanit, Stefano Piolo ka thënë se fitorja ndaj Interit në Derby della Madonnina do të jetë një “provim i rëndësishëm dhe i vështirë”, derisa ka konfirmuar që Zlatan Ibrahimovic “është gati për këtë ndeshje” Derbi i parë i Milanit këtë sezon është para ne dhe të dy skuadrat e kanë filluar sezonin mirë, por Pioli ka theksuar që kuqezinjtë ende janë duke u zhvilluar dhe çdo përballje është “provim” në çdo javë i skuadrës.
“Milan ka identitetin e vet dhe mënyrën e vetë të lojës, në mënyrën tonë të punës provimet nuk përfundojnë kurrë”, ka thënë Pioli gjatë konferencës për shtyp. “Ky është një provim i rëndësishëm dhe i vështirë. Kam shumë pak kohë para vetës por e njëjta gjë ndodh edhe për kundërshtarët tonë”. “Udhëtimi i jonë ka filluar para një viti dhe ne ende po përmirësohemi por kemi respekt për kundërshtarët, të cilët këtë vit thuhet se mund ta fitojnë kampionatin”.
“Ne hymë në fushë me besimin e plotë”. Milan ka fituar të tria ndeshjet në sezonin e ri në Serie A dhe ata besojnë se një ndeshje e madhe i pret para, por Pioli ka theksuar se edhe Inter është në të njëjtën ecuri. “Kam shpresuar që të arrijë në derbi me tri fitore radhazi dhe të arrijë në Europa Ligë. Ne jemi këtu dhe deri tani ia kemi dalur mirë me kundërshtarët. Fitorja ndaj Interit do të na ngritë moralin edhe më shumë, por ne të gjitha ndeshjet i marrim seriozisht”, ka thënë ai.
