Irlanda është vendi i parë në Europë që rikthehet në izolim por ku shkollat do të qëndrojnë të hapura.
Kryeministri irlandez Michael Martin, i ka kërkuar popullit, zyrtarisht, që të qëndrojë në shtëpi, por duke nënvijëzuar se dyert e shkollave do të qëndrojnë të hapura.
Rregullat e reja, që do të hyjnë në fuqi për 6 javët në vijim, prej mesnatës së të mërkurës, përfshijnë mbylljen e cdo aktiviteti tregtar, jo të domosdosshëm, dhe limitojnë aktivitetin e bareve dhe restoranteve, duke lejuar që klienti ta marrë porosinë me vehte.
