Presidenti amerikan Donald Trump është bërë edhe ai pjesë e 50 milionë votuesve të cilët kanë votuar para datës së zgjedhjeve. Pas votimit, ai iu drejtua një grupi mbështetësish në West Palm Beach, Florida, duke u thënë: Votova për një djalë me emrin Trump.
“SAPO VOTOVA. Një nder i madh!” shkroi ai më vonë në Twitter. Sondazhet tregojnë se Biden drejton garën kundër Trump në shkallë kombëtare, por diferenca është shumë e ngushtë në shtetet vendimtare të betejës që do të vendosin zgjedhjet. Trump do të drejtohet drejt tre prej tyre pas votimit, duke mbajtur tubimet e fundit në përpjekje për ti ndryshuar mendjen elektoratit të pavendosur.
