Intervista më poshtë është botuar në gazetën greke “Kathimerini”, më 15 qershor 2020-ës. Albert Bourla është CEO i kompanisë më të madhe farmaceutike në botë, Pfizer. Nga shtëpia e tij në New York, Bourla flet për shpërndarjen e afërt të vaksinës, mundësinë e përdorimit të saj në të gjitha vendet.
A do të ketë vaksinë? Dhe kur? Disa muaj më parë po mendoja edhe unë, nëse do të ishim në gjendje të krijonim një vaksinë. Veçanërisht pyes veten kur do ta kemi. Sot, shumë kompani farmaceutike kanë bashkuar përpjekjet për të krijuar një vaksinë dhe Pfizer është njëra prej tyre. Unë uroj që të gjithë të kenë sukses, sepse mjekët do të duhet të zgjedhin se kë do të shpëtojnë. Do të jetë e vështirë të prodhohet sasia e nevojshme e vaksinave nga një kompani e vetme, sado e madhe, siç është Pfizer. Hulumtimi është kryer në bashkëpunim me FDA Amerikane dhe Agjencinë Evropiane të Barnave (Ema). Nëse gjithçka shkon siç e presim, deri në tetor do të kemi një vaksinë të sigurt dhe efektive, të miratuar nga autoritetet e ilaçeve në Amerikë, Evropë, Japoni dhe vende të tjera që do të kenë, sigurinë dhe efikasitetin e saj dhe ne do të jemi në gjendje të furnizojmë disa miliona doza. Për ta bërë këtë, është e nevojshme të procedohet në një mënyrë krejtësisht të ndryshme nga protokollet konvencionale për zhvillimin e vaksinave. Ne morëm përsipër një rre zik të madh financiar duke ndjekur të gjitha fazat e zhvillimit paralelisht, sesa në vazhdimësi. Kjo do të thotë që nëse diçka shkon keq, i gjithë sistemi bëhet tym dhe ne do të kemi harxhuar para dhe burime shkencore. Nëse fati na ndihmon, ne dhe të gjithë njerëzimin = dhe vaksina funksionon, ne do të kemi do zat e nevojshme në fillim të sezonit të vjeshtës dhe dimrit. Unë e di shumë mirë që ekziston një vijë e hollë mes “e sigurt” dhe “mjaftueshëm e sigurt”. “Mjaftueshëm e sigurt” është term i gabuar, sepse siguria është e para. Vaksina do të duhet të jetë plotësisht e sigurt. Por a do të funksionojë? Nëse është testuar në 10,000 njerëz, ju do të keni një besim të caktuar para se ta shpërndani. Por nëse e keni provuar vetëm te pesë mijë njerëz, siguria është më e ulët. Nëse e provoni te një milion njerëz, mund të kontrollohet për efekte anësore. Kërkesat tona të sigurisë janë shumë të larta. Kur flasim për efekte anësore, i referohemi dhimbjes në vendin e injeksionit dhe shfaqjes së etheve në ditët në vijim, të cilat duam t’i eliminojmë, përcjell dritare.net
SHBA-ja dhe Evropa punuan njëkohësisht në zhvillimin e vaksinës, por a do të jetë e arritshme për të gjithë? Qytetarët e vendeve të përparuara, si: SHBA-ja, Evropa, Japonia, Koreja, Australia, të cilat kanë një sistem shëndetësor kombëtar, sipas të gjitha gjasave do të marrin vaksinën falas. Qeveritë kombëtare do të blejnë vaksinën nga prodhuesit dhe deri më tani nuk duken të shqetësuar për shpenzimet, sepse dëmi ekonomik i shkaktuar nga pandemia tejkalon shumë koston e vaksinës. Thënë kjo, ligjet e tregut të lirë nuk mund të zbatohen për një rast të jashtëzakonshëm si ky. Unë nuk mund të imponoj një çmim për vaksinën te qeveria gjermane, apo amerikane, ose greke, në varësi të përfitimeve ekonomike që do të vijnë prej saj, sepse atëherë kostoja do të ishte shumë e lartë dhe nuk është e drejtë. Nëse ka një vaksinë, ne jemi të gatshëm të vendosim një çmim në përputhje me atë të vaksinave tona. Pengesat do të jenë të një natyre infrastrukturore. Për shembull, vaksina për të cilën po punojmë, veçanërisht për gjeneratën e parë në prodhim, do të duhet të transportohet në një temperaturë prej – 80 ° C. Infrastrukturat e specializuara janë të nevojshme dhe shumë pak vende afrikane i kanë ato. Këto janë problemet që ne po përpiqemi të zgjidhim. Qëllimi ynë është ta shpërndajmë atë njëkohësisht në Amerikë dhe Evropë, sa më shpejt që të jetë gati. Mund të ketë një diferencë prej një ose dy javësh, por për arsye menaxhimi dhe jo për arsye politike ose të tjera .
