Policia në Greqi njoftoi të dielën se mbledhjet e katër apo më shumë personave janë të ndaluara. Vendi fqinj po regjistron raste në rritje me koronavirus ndërsa spitalet mbingarkohen me pacientë të shtruar. Të shtunën, Greqia njoftoi po ashtu edhe mbylljen e shkollave fillore, kopshteve dhe qendrave të kujdesit ditor ndërsa vde kjet e lidhura me virusin kaluan një mijë.
Vendi përkujtoi kryengritjen anti-juntë është një përvjetor i çmuar për shumë grekë ndërsa më shumë se 30,000 njerëz demonstruan në Athinë dhe qytete të tjera të mëdha vitin e kaluar nën një prani të shtuar policie. Këtë vit, megjithatë, të gjitha mbledhjet publike të katër ose më shumë njerëzve u ndaluan nga ora 6 e mëngjesit të së dielës deri në orën 9 të mërkurën për të ndaluar përhapjen e koronavirusit.
Gjobat prej 5,000 eurosh do t’u vendosen personave juridikë si partitë politike dhe 3,000 euro për individët që organizojnë tubime, ndërsa ata që marrin pjesë do të gjobiten 300 euro. Autoritetet të shtunën raportuan 2,835 raste të reja me koronavirus, duke çuar në 72,510 totalin e të infektuarve, dhe 38 vde kje të reja, duke e çuar bilancin në 1,035.
