Maskat janë propaganduar nga qeveritë dhe organet shëndetësore si një masë mbrojtëse ndaj COVID-19 dhe shumë shtete e kanë bërë të detyrueshëm përdorimin e tyre në ambientet publike. Mirëpo pas njoftimit për dy vaksina me efikasitet mbi 90%, shumë ekspertë po mundohen t’i japin përgjigje pyetjes se kur nuk do të jetë më e nevojshme që të mbahet maska.
Sipas një eksperti spanjoll, maska nuk do të jetë e nevojshme të përdoret kudo në vitin 2022.
Juan José Badiola, drejtor i Qendrës së Sëmundjeve Infektive në Universitetin e Zaragozës, u shpreh: “Nëse vaksinat do të na mbrojnë, gjë që shpresojmë që të ndodhë, mendoj se në vitin 2022 do të jetë e mundur që ta përdorim vetëm në rrethana të caktuara, por jo kaq masivisht si sot”.
