Gjermania në karantinë, edhe në Holandë nis një bllokim pesë javor. Britania e Madhe liron masat vetëm për Krishtlindje. Italia në shtetrrethim kombëtar. Spanja dhe Franca pa kufizime për Krishtlindje Krishtlindjet dhe Vitit të Ri janë festat më të rëndësishme në mbarë botën, por më shumë në Europë. Këtë vit duket se festimet do të jenë ndryshe nga herët e tjera për shkak të pandemisë. Por vende të ndryshme në Europë kanë zgjedhur që kenë shumë kufizime përgjatë festave si një përpjekje për të ndalur një valë të COVID-19. Gjermania e Holanda kanë vendosur një karantinë të plotë dhe përgjatë festave, ndërsa në Francë kufizimet sapo kanë mbaruar. Kryeministri Mark Rutte tha se Holanda do të përjetojë një karantinë tjetër për 5 javë me radhë nga 15 dhjetori deri në 19 janar. Të gjitha shkollat, dyqanet që nuk janë të domosdoshme dhe shumë vende dhe hapësira të tjera publike do të mbyllen. Po ashtu nuk do të lejohen udhëtimet dhe kufizimet do të lehtësohen pak vetëm për 3 ditë kur të festohen Krishtlindjet. Shumë qytetarë janë kundër këtyre masave dhe kanë protestuar teksa Kryeministri dha vendimin për bllokimin e radhës.
Britani e Madhe: Lirohen masat vetëm për Krishtlindje Qeveria në Britaninë e Madhe do të lirojë masat vetëm për Krishtlindjet. Midis 23 dhe 27 Dhjetor nuk do të ketë kufizime të udhëtimeve dhe njerëzit do të jenë në gjendje të dalin nga shtëpitë e tyre. Por edhe pse do të ketë masa më të lehta sërish nuk do të lejohet që të ketë grumbullime masive dhe festa të mëdha. Ekspertët e shëndetit i kanë nxitur njerëzit të tregojnë kujdes dhe të mos abuzojnë. Shumë biznese do të qëndrojë të mbyllura dhe nuk do të lejohen as tifozët në stadiume.
Itali: Shtetrrethim kombëtar Italia aktualisht po sheh numrin më të lartë të vd ek je ve që nga fundi i marsit dhe kryeministri Giuseppe Conte u është drejtuar qytetarëve duke kërkuar që të jenë të kujdesshëm. Ai ka kërkuar që të mos ketë grumbullime për Krishtlindje. Në shumë rajone në Itali do të ketë bllokim të pjesshëm dhe udhëtimet do të ndalohen nga data 21 Dhjetor deri në 6 Janar. Njerëzit nuk do të lejohen të largohen nga qytetet e tyre në shtëpinë e tyre ditën e Krishtlindjeve dhe ditën e Vitit të Ri. Po ashtu do të vendoset një shtetrrethim nga ora 22:00 deri në 05:00.
Francë: S’ka kufizime gjatë Krishtlindjeve Pas disa javësh bllokimi kombëtar, Presidenti Emmanuel ka njoftuar se kufizimet janë liruar. Tashmë Franca nuk është më në shtetrrethim dhe qytetarët mund të dalin nga banesat e tyre. Nga sot nuk do të ketë kufizime për të udhëtuar brenda Francës dhe njerëzit mund të vizitojnë të afërmit e tyre gjatë festave. “Ne do të jemi në gjendje të udhëtojmë pa autorizim edhe mes rajoneve,” tha Macron.
Gjermani: Bllokim i vështirë Gjermania ka hyrë në një bllokim të vështirë gjatë periudhës së Krishtlindjes, pasi numri i vdekjeve dhe infeksioneve nga virusi është rritur shumë në javët e fundit. Dyqanet dhe shkollat do të mbyllen në të gjithë deri më 10 janar. Kancelarja Angela Merkel ka fajësuar lëvizjet e shumta të qytetarëve, pasi sipas saj ky është shkaku kryesor që u rritën rastet e reja me COVID.
Spanjë: Lirohen masat Qeveria spanjolle ka miratuar një sërë rregullash për periudhën midis 23 dhjetorit dhe 6 janarit. Megjithatë, qeveritë rajonale kanë fuqinë të ashpërsojnë këto rregulla të përbashkëta nëse e gjykojnë të nevojshme. Gjatë këtyre ditëve do të lejohet udhëtimi midis rajoneve, me kusht që njerëzit të vizitojnë miqtë dhe familjen. Festat për Krishtlindjen dhe natën e Vitit të Ri do të kufizohen në 10 persona.
Austri: Testim masiv dhe hotele të mbyllura Austria doli nga bllokimi i saj i dytë kombëtar në 7 Dhjetor dhe tashmë kufizimet janë lehtësuar për shkak të Krishlindjes. Sërish vijon ora policore, pasi qytetarët nuk mund të lëviznin nga ora 22:00 deri në 06:00. Shumë bizneset janë të hapura, por restorantet dhe baret do të qëndrojnë të mbyllura gjatë periudhës festive. Tregjet tradicionale të Krishtlindjeve do të mbyllen gjithashtu.
