Katari sot filloi vaksinimin falas kundër koronavirusit për qytetarët që dëshirojnë të vaksinohen, bëri të ditur Ministria e Shëndetësisë së këtij vendi. Ministria të martën vonë publikoi një video-pamje të mbërritjes së serisë së parë të vaksinave.
Shefja e Departamentit për vaksinim në Ministrinë e Shëndetësisë, Soha Al-Bayat tha se “vaksina kundër koronavirusit është e sigurtë dhe se ka kaluar të gjitha miratimet rregullatore”. Deri të martën mbrëma Katari regjistroi gjithsej 142.308 raste me koronavirus, janë shëruar 140.129 persona, ndërsa 243 kanë humbur jetën si pasojë e COVID-19.
