Greqia ka vendosur të shtyjnë deri në 7 janar vendimin për hapjen e pikës së kalimit kufitar të Kapshticës, për shkak të situatës së krijuar me koronavirusin. Në datën 20 nëntor, pala greke vendosi mbylljen e plotë të kësaj pike kufitare, ndërkohë që në datën 3 dhjetor, vendimi u ndryshua duke lejuar këmbësorët, kamionët e tonazheve të rënda dhe të mallrave për të hyrë drejt tokës shqiptare.
Për personat të cilët do të duan të hyjnë drejt Greqisë, e vetmja pikë kufitare mbetet ajo e Kakavijës, e cila ende ruan kuotën prej 700 personash. Për shkak të festave të fundvitit, pritet që lëvizjet në hyrje të Shqipërisë të shtohen.
