Suedia njoftoi sot se po planifikon heqjen e ndalimit të përkohshëm për fluturimet e pasagjerëve nga BM që nga 1 janari, por kërkon një test negativ të COVID-19 në hyrje.
Masa u njoftua nga Mikael Damberg, ministri i Punëve të Brendshme, pas një takimi të kabinetit.
“Vendimi i sotëm është një mjet i rëndësishëm për të zvogëluar rrezikun e infektimit”, tha ai, duke shtuar se ishte në përputhje me rekomandimet e Komisionit Europian.
Kërkesa për test negativ dhe ndalimin e fluturimeve, i zbatuar që nga 21 dhjetori, u prezantuan për shkak të variantit të ri të COVID-19, dukshëm më i transmetueshëm, që u shfaq në BM.
Vetëm rezultatet e testit brenda 72 orëve para nisjes do të pranohen.
Përjashtimet përfshijnë personat që merren me transportimin e mjeteve mjekësore.
