Korporata shumëkombëshe amerikane Johnson & Johnson ka deklaruar se vaksina e saj ka rezultuar 66 për qind efektive ndaj koronavirusit.Sipas asaj që njoftoi kompania, vaksina ka rezultuar të jetë 66% efektive në parandalimin e sëmundjes së moderuar dhe të rëndë, pas testeve globale të fazës së tretë, por shton se doza ka një efikasitet 85% kundër formave të rënda të sëmundjes.
Vaksina rezultoi të ishte 72% efektive kundër sëmundjes së moderuar dhe të rëndë në SHBA, tha kompania. Vaksina e Johnson & Johnson ka një ndryshim të madh nga vaksinat e Pfizer / BioNTech dhe Moderna, dhe mund t’u japë opsion ndryshe personave të pasigurt. Vaksinat tashmë në treg në SHBA janë rreth 95% efektive në përgjithësi kundër Covid-19 simptomatik, me efektshmëri ndoshta edhe më të lartë kundër rasteve të rënda. Por ekspertët thonë se vaksina Johnson & Johnson do të jetë akoma e dobishme kundër pandemisë në Shtetet e Bashkuara dhe në të gjithë botën.
“Midis të gjithë pjesëmarrësve nga vende të ndryshme dhe duke përfshirë ata të infektuar me një variant viral në zhvillim, kandidati i vaksinës COVID-19 i Johnson & Johnson ishte 66% efektiv në përgjithësi në parandalimin e pikave të kombinuara përfundimtare të COVID-19 të moderuar dhe të rëndë, 28 ditë pas vaksinimit. Mbrojtja ndaj virusit vëzhgua që në ditën e 14 “, tha kompania në një deklaratë. Tashmë, kompania po punon për të kërkuar autorizim për përdorim emergjent nga Administrata e Ushqimit dhe Barnave të SHBA”brenda një jave”.
