Kancelarja gjermane Angel Merkel do të zhvillojë një video-konferencë me 16 kryeministrat e landeve për të diskutuar zgjatjen e bllokimit aktual gati total ndërsa vaksinimet janë në proces për të frenuar pandeminë.
Ka pasur raporte se bllokimi mund të zgjatet deri në fund të janarit.
Në konferencën e tyre të parë të vitit, Merkel dhe kryeministrat do të diskutojnë lidhur me nivelet e larta të infeksionit, megjithëse shumica e dyqaneve, të gjitha shkollat dhe qendrat ditore janë mbyllur që më 16 dhjetor.
Ngjarjet e mëdha publike janë ndaluar edhe më parë, ndërkohë që disa ngjarje të lejuara sportive zhvillohen në stadiume bosh.
Megjithëse masat aktuale kanë çuar në një rënie të niveleve të infeksionit, shumica e kryeministrave do të jenë në favor të zgjatjes së bllokimit, megjithë shfaqjen e shenjave të lodhjes për publikun e gjerë.
