Edhe një klub me super-buxhet si Paris Saint-Germaini mund ta ketë problem që ta përballojë rrogën e kërkuar nga ylli argjentinas Kërkesa e lartë e rrogës nga ana e Lionel Messit mund të konsiderohet si e papërballueshme edhe për një klub me super-buxhet si Paris Saint-Germaini. Kontrata e yllit argjentinas me gjigantin katalunas do të skadojë gjatë verës që vjen dhe duket se 33 vjeçari nuk e ka ndërmend ta vazhdojë atë.Kështu që, gjashtë herë fituesi i Topit të Artë mund t’i nis bisedimet qysh tash me klubin e tij të ardhshëm, shkruan Gazeta Express.
Messi paguhet 500 mijë funte në javë për momentin në “Camp Nou”, ndërsa pëlqehet nga klubet si Paris Saint-Germain dhe Manchester City. Megjithatë, edhe klubet e mëdha janë prekur financiarisht nga pandemia koronavirus dhe kanë bërë zbritje në rrogat e lojtarëve. Kështu që, edhe Messi duhet ta pranojë një rrogë të arsyeshme nëse synon të transferohet në njërin nga dy klubet e sipërpërmendur.
