Ministri i Jashtëm i Greqisë, Nikos Dendias, ka reaguar lidhur me takimin e zhvilluar me kryeministrin e Shqipërisë Edi Rama. Sipas Dendias ne fokus të bisedimeve me kryeministrin Edi Rama kanë qenë marrëdhëniet bilaterale, perspektiva e Shqipërisë për në Bashkimin Evropian dhe zhvillimet e fundit rajonale. “Unë u takova me kryeministrin e Shqipërisë, Edi Rama. Marrëdhëniet bilaterale, perspektiva e Shqipërisë në BE dhe zhvillimet e fundit rajonale në fokus.” shkruan Dendias.
Kujtojmë se Dendias dhe Rama patën një takim të paktën tre orësh në Greqi, ndërsa më pas Rama u takua me homologun e tij, grek, Kyriakos Mitsotakis. Rama mbërriti të premten në Athinë pas një vizite dy ditore në Ankara ku u prit nga Presidentit turk.
