Sistemet e kujdesit shëndetësor në të gjithë botën po luftojnë për të përballuar numrin në rritje të rasteve me Covid-19 ndërsa garojnë kundër kohës për të vaksinuar personat më të rrezikuar. Të tre vaksinat e aprovuara aktualisht për përdorim nga ekonomitë kryesore perëndimore të gjitha kërkojnë dy doza në një interval të caktuar kohe dhe furnizimet janë të kufizuara. Qeveritë po konsiderojnë taktika të diskutueshme si zgjatjen e kohës midis dozave, që shumica të marrë të paktën një dozë. Një dozë mund të përmirësojë ndjeshëm aftësinë tonë për të luftuar virusin.
Prova e fundit e Johnson & Johnson-Johnson & Johnson pritet të japë rezultatet paraprake të provës në fazën e vonë deri në fund të janarit . Nëse testohet të jetë e sigurt dhe efektive, kompania synon të prodhojë të paktën 1 miliard doza deri në fund të vitit. Vaksina J&J u zhvillua nga kompania belge, Janssen Pharmaceutica, dhe bazohet në teknologjinë vektoriale të adenovirusit, e njëjta qasje e përdorur për krijimin e vaksinës së Universitetit të Oksfordit-AstraZeneca.
Ndryshe nga ato të zhvilluara nga Pfizer-BioNTech dhe Moderna të cilat bazohen në ARN-në. Analisti i kujdesit shëndetësor Adam Barker në Shore Capital tha në një email për CNBC javën e kaluar: “Vaksina J&J është e njëjta me vaksinë AstraZeneca, por ka vetëm një dozë. Pra, ne e dimë që kjo qasje funksionon dhe synon proteinën spike. Vaksina mund të qëndrojë për të paktën tre muaj në temperatura normale në frigorifer.
Afati kohor i vaksinës-J&J përfundoi provën e 3 klinike të fazës tre me 45,000 pjesëmarrës për kandidatin e saj të vaksinës me dozë të vetme në 17 dhjetor. Të dhënat paraprake nga prova pritet të jenë në dispozicion deri në fund të muajit. Nëse të dhënat tregojnë se vaksina është e sigurt dhe efektive, kompania pritet që të paraqesë një kërkesë për Autorizimin e Përdorimit Emergjent në Administratën e Ushqimit dhe Barnave në SHBA.
Marrëveshjet e furnizimit-Kompania është zotuar të shesë vaksinën mbi një bazë jo-fitimprurëse për përdorim emergjent. J&J nënshkroi një marrëveshje me SHBA-në në gusht 2020 për të shpërndarë 100 milion doza të vaksinës pas miratimit ose autorizimit të përdorimit emergjent nga FDA, dhe opsionin për të blerë deri në 200 milion doza shtesë sipas një marrëveshjeje të dytë.
Mbretëria e Bashkuar negocioi një marrëveshje në gusht për të blerë fillimisht 30 milion doza të vaksinës J&J dhe më pas deri në 22 milion doza shtesë. BE nënshkroi një marrëveshje me J&J në tetor për furnizimin deri në 400 milion doza.
J&J gjithashtu ka rënë dakord të sigurojë 500 milion doza të vaksinës së saj si pjesë e një marrëveshje me Aleancën e Vaksinave (Gavi), e cila është përgjegjëse për qasje të barabartë të vaksinave, përfshirë vendet me të ardhura më të ulëta përmes COVAX. Këto doza do të shpërndahen deri në vitin 2022 nëse kandidati i vaksinës do të miratohet për përdorim.
“Nëse platforma Ad26 e J & J është në gjendje të sigurojë 80% + efikasitet përmes një dozë të vetme, duke pasur parasysh kërkesat e favorshme të vaksinës dhe shkallën e konsiderueshme të prodhimit, ky do të ishte një rezultat bindës,” tha Morgan Stanley.
Ndërsa për atë që duhet të bëjnë qeveritë ndërkohë, Jonathan Reiner, profesor i mjekësisë dhe kirurgjisë në Shkollën e Mjekësisë dhe Shëndetit të Universitetit George Washington argumenton: “Vaksina J&J është arsyeja pse nuk duhet të braktisim strategjinë me dy doza për Pfizer-BioNTech dhe Moderna. Ne ka të ngjarë të kemi të gjitha vaksinat që na nevojiten.
