Lulzim Basha ishte ndër të parët që e uroi Albin Kurtin për fitoren e zgjedhjeve dhe tha se pas 25 prillit, kur dhe ai të fitojë zgjedhjet në Shqipëri, do të bashkëpunojnë ngushtë bashkë.
Por a do ta merrte Grida Duma si referencë, Albin Kurtin, si një lider ndoshta në rastin e PD?
“Lideri i PD është Lulzim Basha. Unë kam respekt, por nuk kam admirim për Albin Kurtin. Në mënyrën time, unë do isha për një qasje që i thërret njeriut, jo turmës”, tha ajo në Top Talk.
Pra jeni antipopuliste?
Padyshim që po, sepse besoj që turma është një shumatore individësh, nuk është një njësh tufë. Pra admirim për verbin populist nuk mund të them që kam. Admirim për çdo individ që mban qëndrimin e tij dhe vazhdon qëndrimin e tij , kam respekt, edhe figurat kundërshtare kur dinë të kenë integritet me qëndrimin e vetë.
