“e-Albania ka kursyer para dhe kohë për qytetarët dhe ekonominë shqiptare.” Kështu thotw drejtoresha e Agjencisë Kombëtare e Shoqërisë së Informacionit, Mirlinda Karçanaj, e cila ka publikuar edhe shifrat e bilancit të kohës dhe parave të kursyera për vitin që sapo lamë pas.
Kështu, sipas Karçanajt: “1.2 milionë qytetarë morën shërbime direkt, pa ecejake, 293 vite kohë janë kursyer vetëm nga mungesa e radhëve dhe 1.36 milionë euro janë kursyer nga xhepat e qytetarëve nga heqja e taksave dhe tarifave për shërbimet dhe dokumentet.”
Karçanaj e cilëson digjitalizimin një histori suksesi referuar kështu edhe vlerësimin që i kanë bërë e-albanias organizatat ndërkombëtare si OECD, OKB, DASH, KE dhe RESPA.
