Nis këtë të dielë procesi i vaksinimit kundër Covid, të disa prej personaliteteve të njohura në vend, në stadiumin “Air Albania”. Ashtu siç ishte njoftuar më herët, këtë paradite vaksinimi do të nisë me disa personalitete +80 vjeç.
Atje kanë filluar të mbërrijnë emra të njohur të artit, si Tinka Kurti, Sherif Merdani, Margarita Xhepa, etj. Kryeministri Edi Rama tha se ata do të jenë të parët që nisin një proces të tillë dhe do të vazhdojë me personat e zakonshëm.
