Një situatë e pakëndshme ka ndodhur për kryetaren e LSI-së Monika Kryemadhin, ditën e sotme në Elbasan, teksa ka qenë duke zhvilluar një takim për arsimin në këtë qytet. Kryetarja e LSI-së është shfaqur pa maskë, teksa po zhvillonte takimin me një grup qytetarësh, në një ambient të mbyllur, ndërkohë që efektivët e policisë kanë shkuar për ta gjobitur.
Disa policisë i janë afruar kryetares së LSI-së, duke i kujtuar se nuk lejohen grumbullimet më shumë se 10 veta në bazë të protokollit anti-covid. Ata po ashtu iu kujtuan përfaqësuesve të LSI-së vendosjen e maskave.
Kryemadhi nuk ka pranuar që të vendosë maskën, ndërkohë që u është drejtuar efektivëve që të merren me bandat. ‘Nuk jemi 10 veta këtu, jemi 7 veta! Në kafe lejohet, me pi kafe, pse s’erdhët kur ishim live . Vendosni gjobën dhe do t’u drejtohem gjykatave administrative. Merruni me bandat pastaj ejani na vendosni gjobat. Mos u bëni ushtar as të Taulantit as të dikujt tjetër.’- ju drejtua Kryemadhi.
Kujtojmë që Kryemadhi e ka kaluar COVID-in dhe këtë e ka zbuluar pak muaj më parë, në një kohë që në çdo dalje në media deklaronte se virusi nuk ekziston. Kryeministri Edi Rama një ditë më parë reagoi ashpër ndaj mosrespektimit të masave anti-COVID nga politikanët gjatë fushatave elektorale, ku tha se kjo gjë është e patolerueshme.
