PD në Durrës është e sigurtë se do të marrë gjashtë mandate për në Kuvendin e Shqipërisë. Këtë e kanë bërë të ditur krerë të kësaj dege të cilët shprehen se tani lufta është për mandatin e shtatë.
Kreu i PD-së Ferdinand Xhaferaj është shprehur se çdonjëra nga katër zonat në qarkun e Durrësit do të ketë shtab më vete dhe gjatë gjithë kohës do të jetë në lidhje të pandërprerë me kandidatët për deputet. “Në Durrës i kemi të sigurta 6 mandate dhe do të luftojmë për mandatin e shtatë – ka thënë Xhaferaj sipas gazetës ‘Bulevard’.
Ferdinand Xhaferaj, Oerd Bylykbashi, Igli Cara dhe emra të tjerë me peshë politike në këtë qark do të drejtojnë tërë aktivitetin e shtabeve deri ditën e fundit. Në vitin 2017 PD pati një rënie të ndjeshme në zgjedhjet e përgjithshme duke marrë vetëm 4 kandidat nga 14 deputet që ka ky qark dhe duke i lënë PS dyfishin e mandateve.
