Ndodh që njerëzit e lindur në këtë shenjë ndonjëherë të paragjykohen se janë shumë të drejtëpërdrejtë dhe janë të parët që nisin debatet. Por, e vërteta është se ndryshe nga shumë të tjerë, ata kanë guximin për t’ua thënë gjërat në sy. Kështu, që për të krijuar më mirë një ide se ç’do të thotë vërtetë të jesh DASH, po ju tregojmë 5 karakteristikat unike që e bëjnë Dashin shenjën më të mirë të zodiakut.
1.Dashi është një lider i lindur që di se çfarë duhet të bëj gjithmonë: Duke qenë se janë shenja e parë e horoskopit, Dashi është pioner për gjithçka. Janë gjithmonë gati për të vepruar dhe lumturohen kur marrin përsipër të drejtojnë diçka në mënyrë spontane.Konfidenca e tyre i ndihmon të kalojnë të gjithë pengesat dhe s’duan të jenë kurrë ndjekës të të tjerëve. Ata dinë si t’i përgjigjen çdo situate për të dalë në fund fitues. Është e kotë të komandosh një Dash! 2.Nuk frikësohen nga asnjë lloj rreziku: Ndryshe nga shenjat e tjera, Dashi beson tek fuqitë që zotëron dhe di si t’i përdorë ato. Njerëzit e një shenje të tillë do të luftojnë gjithnjë për atë çfarë duan dhe nëse kjo do të thotë të dalin jashtë zonës së tyre të rehatisë.
3.Është vështirë të parashikosh një Dash, janë gjithnjë spontanë: Ashtu si zjarri, i nxehtë dhe jo gjithnjë i llogjikshëm edhe njerëzit e kësaj shenje nuk mendojnë gjatë për lëvizjen e tyre të ardhshme. Me një Dash s’ka asnjë shans që të mërzitesh sepse në një mënyrë apo një tjetër do ta gjejnë gjithnjë si t’i bëjnë gjërat interesante. 4.Janë të drejtpërdrejtë: Dashët janë shumë të ndershëm dhe u pëlqen të jenë të drejtëpërdrejtë me njerëzit. Meshkujt dhe femrat e kësaj shenje njihen si krijesat më të ndershme. Mos e ngatërroni me arrogancën kur një Dash ju thotë të vërtetën në sy. Ata e bëjnë këtë me familjen dhe njerëzit që duan. Do ta thonë gjithnjë atë që mendojnë. Mos prisni nga askush tjetër t’ua thotë gjerat siç janë përveçse dikujt që i përket shenjës së zjarrit. Ah, ata i urrejnë justifikimet, kështu që përrallat me mbret nuk do t’ju ecin me një Dash. Mos harroni se kanë një shqisë të 6-të për të kuptuar kur dikush po përpiqet t’i fyejë inteligjencën.
5.Besnik deri në vdekje: Kur vjen puna tek dashuria ata i duan të gjitha ose asgjë. Sapo gjejnë dashurinë e vërtetë, njerëzit e kësaj shenje, nuk lëkunden lehtë. Janë të dashur, të përgjegjshëm dhe besnikë ndaj lidhjes. Ata do të gjenden gjithnjë për partnerin e tyre. Kur një Dash të jep fjalën e tij s’ka kthim pas. Janë gati të lëndojnë veten përpara se ta bëjën atë qellimisht me dikë tjetër. Nëse ti ke nevojë për të në 3 të natës, ai do të jetë aty. Është vetëm disa minuta larg.
/revistaliving
