Pas Mark Markut, një tjetër kandidat i PD-së për deputet ka rezultuar pozitiv më COVID-19. Ai është Roland Bejko, i dyti në listën e qarkut të Gjirokastrës. Lajmin e ka njoftuar vetë Bejko në një postim në Facebook. “Të dashur miq. Për shkak të infektimit nga Covid 19 prej gati dy javësh, kam qenë i detyruar të mungoja fizikisht në fushatën elektorale që po vazhdon me intensitet në Qarkun e Gjirokastrës.
Në këto kushte kam zgjedhur që komunikimin me zgjedhësit tanë, ta mbaj nëpërmjet telefonit, rrjeteve sociale, dhe televizionit. Mezi pres të jem pranë jush. Ju faleminderit” shkruan Bejko. Duke ju uruar sherim të shpejtë kandidatëve Bejko dhe Marku, shpresojmë që Lulzim Basha të reflektojë e të mos vërë në rrezik kandidatët dhe qytetarët që e mbeshtesin. më herët Bejko ka publikuar në llogarinë e tij në Facebook pamje nga takimet elektorale ku vihet re mos respektimi i masave anti Covid.
