Me ne fund nje parti opozitare pjesemarrese ne zgjedhjet parlamentare ne Shqiperi ka njohur rezultatin e zgjedhjeve te 25 prillit dhe ka uruar Edi ramen e socialistet per fitoren.
Albin Kurti, kreu i Vetevendosjes qe garoi me 25 prill me tre kandidate, duke marre rezultate minimale, uron Ramen dhe vlereson se do te bashkepunohet si shqiptare per integrimin e Shqiperise dhe Kosoves.
“Sipas rezultateve paraprake të shpallura nga KQZ në Republikën e Shqipërisë, Partia Socialiste dhe kryeministri Edi Rama ka fituar zgjedhjet parlamentare.
Kosova nuk mundet pa Shqipërinë e Shqipëria nuk mundet pa Kosovën, prandaj e përgëzoj kryeministrin e Shqipërisë Edi Ramën për rezultatet, dhe uroj që së bashku, si shqiptarë, të shtojmë bashkëveprimin mes nesh në të gjithë sektorët, si dhe t’i afrojmë standardet evropiane sa i përket demokracisë, zhvillimit ekonomik, drejtësisë e mirëqenies.
Njëkohësisht uroj që institucionet në Shqipëri të sqarojnë çdo paqartësi në lidhje me procesin zgjedhor që askujt të mos i preket e drejta e votës, mbi të cilën themelohet demokracia përfaqësuese.
Këto janë pritshmëritë e shqiptarëve, andaj, të punojmë së bashku”, uron Kurti!
