Mediat e huaja kanë publikuar shifrat, e infektimeve dhe viktimave nga COVID-19, që prej shpërthimit të pandemisë. Sipas të dhënave të publikuara nga Universiteti Amerikan Johns Hopkins, që prej fillimit të pandemisë është tejkaluar shifra e 160 milionë infektimeve.
Sakaq, nga krahu tjetër, numri i viktimave është 3.32 milionë. Për të luftuar sëmundjen, kompanitë farmaceutike në të gjithë botën, kanë shpikur një sërë vaksinash.
Disa shtete kanë filluar të lehtësojnë masat e vendosura, ndikuar kjo, edhe nga sezoni turistik që është në prag. Sa i përket Shqipërisë, deri më tani, janë vaksinuar afro 700 mijë persona, e kryeministri i vendit, Edi Rama, ka lajmëruar se vera e këtij viti do të jetë më e lehtësuar, pasi edhe ritmet e vaksinimeve janë mjaft të shpejta.
