Intelektuali dhe atdhetari i shquar Mithat Frashëri ka përdoruar shpesh herë në shkrimet e tij publicistike pseudonime si Lumo Skëndo dhe Mali Kokojka, ndërsa në botimet e ndryshme përdori pseudonimin Ismail Malosmani. Ishte pikërisht pseudonimi Lumo Skëndo ai i përdorur nga Mithat Frashëri në drejtimin e revistës voluminoze “DITURIJA”, e cila kishte tematikë kulturore, letrare e shkencore me ilustrime, në gjuhën shqipe. Numri i parë i revistës doli në Selanik, Bukuresht dhe Tiranë më 1 janar 1909 dhe publikimi i revistës vazhdoi deri më 3 dhjetor 1929./Lexo.com.al/e.c.