Turistët në kështjellën e Drakulës do të marrin një vaksinë Pfizer falas kur të vizitojnë atraksionin turistik.
Një qendër vaksinash Covid-19 është hapur për të gjithë. Mjekët do të përdorin Pfizer për këdo që shfaq interes për kalanë e shekullit XIV në Rumaninë qendrore.
Kjo është pjesë e planit të qeverisë për të inkurajuar më shumë rumunë që të vaksinohen. Rumania ka regjistruar më shumë se një milion infeksione që nga fillimi i pandemisë dhe gati 29,000 vdekje.
Qeveria ka deklaruar se do të vaksinojë 10 milion njerëz deri në Shtator, por pothuajse gjysma e rumunëve hezitojnë të marrin vaksinën e COVID-19.
Autoritetet shpresojnë që nisma e saj unike do të ndihmojë në rritjen e vaksinimeve. Ekziston gjithashtu një shpresë që shërbimi të sjellë më shumë njerëz në kështjellën në malet Karpate të Rumanisë, ku numrat e turistëve kanë rënë gjatë pandemisë.
Kalaja ngrihet në pyjet në rrëzë maleve Karpate, 170 km në veri të Bukureshtit. Aty ndodhet vampiri i Bram Stokerit nga romani me të njëjtin emër, Konti Drakula, i cili mendohet se ka pritur princin famëkeq Vlad “The Impaler”.
