Që nga fillimi i pandemisë, ekspertët kanë paralajmëruar që personat asimptomatikë mund të transmetojnë virusin. Të dhënat e fundit tregojnë se përqindja e këtyre pacientëve është shumë e lartë, pasi një në dy pacientë me koronavirus janë asimptomatikë, sipas të dhënave zyrtare nga Mbretëria e Bashkuar.
Sondazhi shqyrtoi 10,000 persona në Mbretërinë e Bashkuar nga dhjetori në mars dhe të dhënat tregojnë se 53% e atyre që u diagnostikuan me koronavirus nuk kishin asnjë nga simptomat e zakonshme, të tilla si kollë ose ethe.
Simptomat më të zakonshme ishin lodhja, dhimbja e kokës dhe kolla ndërsa 18% e pacientëve raportuan humbje të nuhatjes dhe shijes.
Pacientët simptomatikë- Studimi gjithashtu analizoi simptomat e pacientëve që kishin një ngarkesë të madhe virale në të njëjtën kohë kur ekzaminuan pacientët asimptomatikë për të përcaktuar frekuencën e simptomave.
Dhimbja e barkut, diarreja, dhe të përzierat ose të vjellat nuk ishin shumë të zakonshme te pacientët me koronavirus, dhe simptomat më të zakonshme ishin lodhja, kolla dhe dhimbja e kokës. 55% të cilët rezultuan pozitivë me koronavirus raportuan se nuk kishin asnjë simptomë në dhjetor. Kjo pësoi një rënie në janar (46%) dhe shkurt (47%), por u rrit përsëri në 53% në mars.
Të gjitha shifrat iu referohen njerëzve që kanë qëndruar në shtëpi dhe jo rasteve që janë shtruar në spital. Profesori Kevin McConway, tha se studimi përfshinte 12 simptoma të Covid-19.
