Hapi tjetër i TikTok në mënyrë që të konkurrojë me Facebook do të jetë prezantimi i opsionit për të blerë përmes aplikacionit. Bloomberg shkruan se TikTok po teston shitjet në Evropë përmes aplikacionit pasi ka bërë partneritet me disa marka përfshirë kompaninë britanike të veshjeve Hype.
TikTok më parë bëri lëvizje në këtë drejtim duke u integruar me Teespring, një partneritet me Shopify, dhe tani po punon për një lloj produkti infomercial video live. Ky prototip i ri tingëllon pak si blerja në Instagram me një skedë të veçantë blerjesh poshtë profilit të markës që rendit produkte me foto dhe çmime.
Hapi i ri i TikTok mund të jetë i suksesshëm sepse gjatësia e klipeve në këtë platformë është perfekte për reklamim, dhe shikimi pasiv që TikTok promovon mundëson konsum më të lehtë të përmbajtjes.
Një gjë është e sigurt, TikTok dëshiron të përfitojë nga statusi i tij dhe ta përdorë atë për rritje të mëtejshme.
