Liderët e G7 do të angazhohen për të përdorur të gjitha burimet e tyre për të mposhtur krizën e shkaktuar nga pandemia.Në ditën e dytë të samitit të tyre në Cornëall, ata do të bëjnë një deklaratë që përcakton një sërë masash që synojnë ta arrijnë dhe qëllimi kryesor mbetet që të zvogëlohet koha e nevojshme për zhvillimin e vaksinave nën 100 ditë.
Të premten, Kryeministri i Mbretërisë së Bashkuar Boris Johnson hapi samitin me një lutje për të trajtuar pabarazinë globale . Johnson, i cili po pret mbledhjen tre-ditore në vendpushimin bregdetar Cornish të Carbis Bay, tha se ishte jetike të mësohej nga “gabimet” e krizës financiare të 2008 dhe të trajtojnë pabarazitë në formën e duhur.
Pas bisedave të së premtes, udhëheqësit u bashkuan me Mbretëreshën, Princin Charles për një darkë në Projektin Eden aty pranë.
Plani i G7 që do të prezantohet sot konsiston në : Shkurtimin e kohës për zhvillimin dhe licencimin e vaksinave, trajtimeve dhe diagnostikimeve për çdo sëmundje të ardhshme nën 100 ditë. Përforcimi i rrjeteve të mbikëqyrjes globale dhe kapaciteti i sekuencave gjenomike. Mbështetje për reformimin dhe forcimin e Organizatës Botërore të Shëndetësisë (OBSH).
Johnson, në anën tjetër ka premtuar që Mbretëria e Bashkuar do të dhurojë më shumë se 100 milion vaksina kundër COVID-19 në vendet e varfëra brenda vitit të ardhshëm, ndërsa Biden premtoi 500 milion doza të vaksinave Pfizer në 92 vende me të ardhura të ulëta dhe të Mesme. Ndërkohë që vendet e G7 pritet të bien dakord kolektivisht për të siguruar një miliard doza të vaksinës në një përpjekje për t’i dhënë fund pandemisë në 2022. Organizata Botërore e Shëndetësisë vlerëson se do të nevojiten 11 miliardë doza për të vaksinuar 70% të popullsisë në të gjithë botën.
Vendet e G-7, gjithashtu do të angazhohen të ulin çlirimin e CO2 për të kufizuar ngrohjen globale në 1.5 gradë Celsius krahasuar me nivelet para-industriale, një ndryshim nga rritja e temperaturës 2 gradë Celsius për të cilën ishte rënë dakort më parë.
Komunikata e G-7ës të dielën pritet të shërbejë si një bazë përpara Glasgoë COP26, që do mbahet në nëntor e që gjithashtu do të organizohet nga Britania.
Sa i përket ekonomisë dhe tregtisë liderët para samitit, ranë dakord për një normë minimale globale të taksave prej 15% që kompanitë do të duhet të paguajnë pavarësisht se ku janë të vendosura. Marrëveshja synon të ndalojë ndërmarrjet e mëdha shumëkombëshe të kërkojnë parajsat fiskale dhe do t’i detyrojë ata t’u paguajnë qeverive më shumë nga të ardhurat e tyre.
Takimi i G-7 përfundon të dielën. Presidenti Biden dhe zonja e parë Jill Biden do të vazhdojnë turneun e tyre dhe do të marrin pjesë në samitet në Bruksel me Bashkimin Evropian dhe NATO-n, si dhe në takimin e shumëpritur të presidentit amerikan me Presidentin rus Vladimir Putin në Gjenevë të mërkurën.
