‘Për’Puthen on Tour’, show veror ka mbyllur audicionet e hapura në qytetet më të mëdha në Shqipëri, Kosovë, Maqedoni dhe Malin e Zi, për të vijuar me transmetimin e tyre çdo të diel në ekranin e Top Channel, në orën 20:00. ‘Përputhen on Tour” këtë të dielë transmetoi audicionet e zhvilluara në qytetin e Elbasanit. Një numër i madh fansash pritën organizatorët dhe protagonistët e emisionit më të ndjekur në Shqipëri, ndërsa surpriza e këtyre audicioneve ishte pjesëmarrja e vëllait të Mevlan Shabës, një ndër konkurrentët më të spikatur të sezonit të kaluar.
Artan Shaba ushtron profesionin e parukierit prej shtatë vitesh dhe ka jetuar në Tiranë për shumë vite, ndërsa së fundmi është zhvendosur në Gjermani, ku edhe punon. Ai u shpreh se dëshiron të marr pjesë në emisionin e ardhshëm dhe nuk ka dashur kurrë të përfitojë nag fama e Mevlanit.
Mesa duket kjo ishte një surprizë edhe për gjithë panelin!
Olsa: Njiheni ju të dy? Mevlani: Në fakt nuk ngjajmë shumë. Ore plaka e ka marr vesh që ti ke ardh për audicione këtu? Bora: Ua vëllai jot, ua nuk ngjani fare. Mevlani: Tani ka ardh nga Gjermania dhe sa herë i thoja futu në ‘Përputhen’ dhe thoshte nuk hy kurrë dhe ja ku e sheh sot!
Kemi gjashtë vite diferencë dhe i ngjiten femrat shumë këtij, është pak e çuditshme. Ndërkohë që jemi në tavolinë me tre goca, katër orë me i gjujt unë por nuk guxoj ti them diçka se më vjen zor, ndërkohë byrazeri i ka marrë numrin.
