Gushti do të jetë një muaj plot gjallëri për gjithë zodiakun, por në veçanti për 3 shenja. Më 3 gusht, Afërdita, planeti i romancës – do të shkurtojë Uranin individualist, duke ju çuar drejt përvojave të reja në jetën tuaj romantike. Ju mund të bini në dashuri me një person të ri, me dikë që s’do e kishit menduar kurrë se është “tipi” juaj. Gjatë kësaj kohe, edhe nëse jeni beqarë, do ndiheni më të plotësuar se kurrë sepse do shihni frytet e pavarësisë.
Deri në 19 gusht do ndjeni energjinë e egër dhe të pacënuar të sezonit të Luanit. Vendosja e planeteve gjatë kësaj kohe do t’ju japë dëshirën për t’u kënaqur me gjithçka që keni përreth dhe me çdo mundësi që do ju vijë.
Dielli hyn në Virgjëreshën analitike dhe produktive në 22 gusht, duke sjellë fokusin tuaj drejt vetë-përmirësimit dhe duke ju inkurajuar të gjeni kënaqësi në organizim.
Ja çfarë ka rezervuar ky muaj për 3 shenjat më me fat të tij:
Dashi: Do dashuroheni dhe do përqafoni krijimtarinë tuaj!
Energjia që po ju rrethon është pozitive dhe plot pasion. Këtë muaj, universi po ju inkurajon të lëshoni gjithë instiktet tuaja kreative. Bota është këndi juaj i lojërave dhe tani thjesht duhet të lidheni me fëmijën tuaj të brendshëm, që dëshiron të argëtohet dhe të krijojë kujtime të mrekullueshme. Përgatituni të magjepseni dhe të magjepsni të tjerët!
Luani: Ju jeni ‘ylli i shfaqjes’ dhe e dini mirë këtë!
Është koha për të shkëlqyer, Luan! Juve ju pëlqen të jeni në skenë, të kënaqeni me talentet tuaja dhe të merrni gjithë vëmendjen e botës. Këtë muaj, do kuptoni më mirë fuqinë tuaj dhe do shihni se sa mirë i arrini gjërat kur i vendosni qëllime të qarta vetes.
Virgjëresha: Do ndiheni më tërheqës dhe të dëshirueshëm se kurrë!
Energjia e këtij muaji do t’ju zbukurojë edhe më shumë. Këtë do ta kuptoni nga mënyra si do e shihni veten, por edhe se si do ju shohin të tjerët. Luan, mos xhelozo! Ky muaj ka vend dhe për shkëlqimin rrëzëllitës të Virgjëreshës.
