Norvegjezi pritet të bëhet topxhi i skuadrës londineze. Martin Odeggard është rrugës për t’u rikthyer në Arsenal, e cila gjë po cilësohet si një lëvizje e mençur nga klubi londinez. Ata e dinë çfarë mund të presin nga ai dhe kjo lëvizje është një blerje e përsosur. Mesfushori i norvegjez është njëri prej talenteve më të mirë në futbollin europian, prej që ishte tinejxher ku bëri debutimin e tij në Kombëtare si 15 vjeçar, kurse nënshkroi për Real Madridin në ditëlindjen e 16-të për një shumë rreth tre milionë euro.
Mos të harrojmë, Odegaard është ende 22 vjeç, por duket se ai është i pranishëm te ne që një kohë të gjatë. Tashmë një lojtar i shkëlqyer ku ditët e tij të lavdisë pritet që të shfaqen në horizont. Edhe pse nuk ka luajtur si startues me skuadrën e parë të Real Madridit, ai ka impresionuar si i huazuar, kryesisht në Real Sociedad në sezonin 2019/20 dhe, natyrisht, në Arsenal në pjesën e dytë të sezonit 2020/21.
Topxhinjtë e dinë që çfarë janë duke marrë dhe çfarë lojtari i mirë është ai pasi që ai luajti rol kryeso në skuadrën e tij, jo vetëm këtë sezon por edhe në vitet që do të vinë. Një mesfushor ofensivë, Odegaard tashmë ka treguar talentin e tij në Premier Ligë dhe kishte treguar personalitet duke e fituar vendin e startuesit nga Mikel Arteta. Norvegjezi ka një vizion të qartë për lojë dhe aftësinë për ta lexuar ndeshjen duke bërë pasime, kurse mund të luajë edhe në hapësira të ngushta. Arteta e dëshiron atë për anën kreative të skuadrës së Arsenalit, atë që mund ta bëjë këtë dhe të prodhojë shanse për lojtarët e tjerë.
Nuk ka dyshim që ai do ta bëjë këtë në sezonet që do të vinë, pasi që do t’i jepet mundësia për të luajtur vazhdimisht, kështu që nuk do të jetë befasi nëse në të ardhmen e afër shumë njerëz do të thonë se pse Real Madridi nuk i ka dhënë mundësi. Kualiteti i Los Blancos’ në mesfushë është i madh padiskutim, por, më vetëm 22 vjet, Odegaard nuk përfaqëson vetëm të tashmen por edhe të ardhmen. Kjo tregon se ky është një investim jashtëzakonisht i mençur i Arsenalit, pa dashur të shiqojmë shumë larg, por ata mund ta kthejnë këtë profit në të mirë të tyre në të ardhmen. Pasi që ka luajtur aty si i huazuar, ata e dinë çfarë lojtari po e huazojnë, ata e dinë çfarë loje ai mund të bëjë në Premier Ligë. Odegaard është një lojtar me mendësi sulmuese, por ai ka treguar se ai nuk është i frikësuar për të fituar topa edhe në mbrojtje dhe të bëjë lojë fizike si anglezët.
Norvegjezi duhet të vazhdojë për ta përmirësuar paraqitjen e tij të rregullat në njërën prej ligave më të mira në botë. Nëse Arteta mund ta nxjerrë më të mirë nga ai, shumë shpejt do të zbulojmë talentin e tij në të ardhmen.
