Kroacia i ka dhuruar Maqedonisë së Veriut 20 mijë doza të vaksinës AstraZeneca. Ministria e Shëndetësisë njoftoi se vaksinat do të shpërndahen në qendrat ku po vijon procesi i vaksinimit.
Ky është donacioni i dytë nga Kroacia për Maqedoninë e Veriut, pasi në fillim të korrikut qeveria kroate dhuroi 10,000 vaksina. “Solidariteti dhe ndihma gjatë pandemisë është një akt që e bën më të suksesshme luftën kundër Covid”, ka thënë ministri i Shëndetësisë së RMV-së Venko Filipçe, duke falënderuar qeverinë kroate.
