Nivelet e infektimeve nga COVID-19 vazhdojnë të mbeten të larta në pjesën më të madhe të Britanisë së Madhe, sipas të dhënave të fundit. Shifrat e veçanta tregojnë se shkalla e rasteve të reja të virusit po rritet, aktualisht, në të katërta kombet, duke sugjeruar se rënia e mprehtë e rasteve COVID-19, që filloi nga mesi i korrikut, tashmë po merr fund.
Sipas Zyrës për Statistikat Kombëtare (ONS), prevalenca më e lartë vihet re në Irlandën e Veriut, ku rreth një në 55 persona vlerësohet të ketë pasur COVID-19 javën e kaluar, situatë e pandryshuar në javën e mëparshme dhe niveli më i lartë që nga fundi i janarit.
Ajo pasohet nga Anglia, ku numri është rreth një në 75 persona, gjithashtu e pandryshuar nga java e mëparshme. ONS tha se ndërsa përqindja e njerëzve të testuar pozitiv për COVID-19 në Angli “vazhdon të jetë e lartë”, vlerësimet sugjerojnë “një prirje të përgjithshme në rënie gjatë dy javëve të fundit”.
Në Uells, ku rreth një në 220 njerëz vlerësohet të ketë pasur virusin javën e kaluar, tendenca përshkruhet nga ONS si “e pasigurt”.
