Kjo e shtunë regjistroi radhë kilometrike në Morinë. Pavarësisht punës së përshpejtuar nga autorritet doganore pritja ishte e pashmangshme. Mijëra qytetarë të Kosovës kanë zgjedhur të kalojnë pushimet në Shqipëri. Destinacioni kryesor mbetet bregdeti ku do të qëndrojnë për disa ditë.
Pavarësisht se shifrat e infektimeve me Covid019 janë rritur ndjeshëm në të dyja vendet për shkak edhe të përhapjes së variantit Delta, kjo mesa duket nuk i pengon qytetarët që të lëvizin.
Qytetarët e Kosovës zënë pjesën më të madhe të vizitorëve gjatë sezonit të verës në vendin tonë duke u kthyer në pushues besnikë të bregdetit shqiptar.
