Kryeministri britanik Boris Johnson u përball me pretendimet se sistemi i tij për udhëtimet ndërkombëtare është në kaos. Kryeministri u zotua të mbajë rregullat e udhëtimit gjatë pandemisë sa më të thjeshta të jetë e mundur dhe burimet të larta zyrtare përjashtuan mundësinë e një kategorie të re. Qeveria kishte marrë në konsideratë listën e re të vëzhgimit për vendet në rrezik për t’u zhvendosur në grupin e kuq, çka kërkon karantinë në hotel, në kthim, për 10 ditë me një kosto prej 2 430 dollarë për një të rritur.
Por, pas një reagimi të ashpër nga ligjvënësit nga Partia Konservatore e Johnson, shqetësimet ministrore dhe ankesat nga industria e udhëtimit, burimet qeveritare konfirmuan se nuk do të kishte më një listë të tillë. Eksperti i udhëtimeve, Paul Charles tha se ai priste ndryshime të mëtejshme në rregulloret e udhëtimeve. “Duhet të jenë të thjeshta dhe një regjim të reduktuar testimi”, tha ai.
