“Kthimi i Mbretit”, titulli i filmit të njohur do të ishte i mjaftueshëm për të përcaktuar transferimin që e ktheu Cristiano Ronaldon përsëri te Manchester United. Jo vendi ku filloi gjithçka, sepse ai është Alvalade dhe Sporting, por sigurisht atje ku adoleshenti i veshur keq dha spektakël me topin në këmbë, u bë futbollisti më i famshëm në planet.
Në ‘Old Trafford’ dhe qendrën stërvitore ‘Carrington’, atmosfera është padyshim inkadeshente. Me një Ronaldo shtesë në “motor”, Manchester United mund të bëhet vërtet pretendent për titullin në Premier League. Nga kjo pikëpamje, gjithashtu, portugezi ndryshon gjithçka.
Siç raportohet nga një burim i konsultuar nga ‘The Sun’, kthimi i tij ishte një goditje e vërtetë elektrike për të gjithë mjedisin e kuq. ‘Lojtarët janë shumë të emocionuar për ardhjen e Ronaldos. Ky përforcim iu duket atyre si avantazh i madh, kanë shumë më tepër besim në vetvete. Të dyja palët; lojtarët dhe stafi, tani besojnë verbërisht se kanë ekipin më të mirë në Premier League dhe mund të fitojnë titullin këtë sezon.
Ronaldo, gjithashtu foli me Bruno Fernandes dhe i tha atij që t’u tregojë të tjerëve se Manchester United duhet të fitojë kampionatin këtë vit. Lojtarët duhet të punojnë shumë dhe vërtet të besojnë te tituli. Në fakt, futbollistët e ‘Djajve të Kuq’ nuk kanë ndalur së foluri për Ronaldon, që kur u njoftua kthimi i tij. Ata mezi presin të stërviten dhe të luajnë me të. Për ta, ai është si një Zot”.
Jo vetëm shokët e skuadrës, megjithatë, duan ‘të përqafojnë’ pesë here fituesin e ‘Topit të Artë’. Midis njerëzve që punojnë në klub ka edhe shumë njerëz që e mbajnë mend… shumë më të ri. Tani, në kthimin e tij, shohin shpresën për kohë më të mira. Të gjithë, tifozët, lojtarët, madje edhe zonja që bën çaj në fushën e stërvitjes, të gjithë në klub për momentin janë absolutisht të elektrizuar. Të gjithë janë shumë krenarë për atë që portugezi ka arritur në karrierën e tij dhe po e presin krahëhapur në “Old Trafford”. Kjo, natyrisht, është ajo që do vetë ylli portugez…
