Një pikë në tri ndeshje për Juventus-in. Një fillim i sezonit me të vërtetë i komplikuar për skuadrën e Massimiliano Allegri-t.
Ish-ylli i bardhezinjve, Alessandro del Piero, ka dhënë mendimin e tij pas humbjes së pësuar nga torinezët në fushën e Napoli-t mbrëmjen e së shtunës.
I befasuar nga ky fillim sezoni i Juventus-it? Nga humbja me Napoli-n, jo. Nga mënyra si e ka filluar sezonin, po. Mendoj se po paguan disa gjëra, ka thënë Del Piero për Sky.
Besoj se Juventus ka nevojë për pak kohë pas kthimit të Allegri-t. Humbja në Maradona është e ashpër. Napoli ka bërë një hap përpara me Spalletti-n dhe është pjekur. Edhe kur kanë pësuar gol, kanë kërkuar të rikthehen në ndeshje me qetësi.
