Rreth dy milionë të rinj amerikanë kanë qenë konsumatorë të rregullt të cigareve në 2021, sipas një sondazhi vjetor të publikuar sot nga zyrtarët shëndetësorë, të cilët po kryejnë një rishikim të këtyre produkteve në një përpjekje për të mbrojtur më mirë përdoruesit e rinj të cigareve elektronike.
Rreth 20 000 të rinj të moshës 11 deri në 18 vjeç iu përgjigjën një pyetësori midis mesit të janarit dhe mesit të majit të këtij viti, veçanërisht nëse kishin pirë cigare në 30 ditët e fundit.
Në vitin 2021, rreth 11 për qind e studentëve të moshës 14 deri në 18 vjeç raportuan se kishin pirë rregullisht cigare (1,7 milionë persona), dhe gati 3 për qind e studentëve të moshës 11 deri në 14 (320 000).
Në vitin 2020, këto shifra ishin përkatësisht rreth 20 për qind e nxënësve të shkollave të mesme (3 milionë) dhe gati 5 për qind e nxënësve të kolegjeve (550 000).
Sipas studimit, lloji i produktit më të përdorur ishin cigaret elektronike njëpërdorimshe, të ndjekura nga ato me rimbushje dhe, në fund, ato me një rezervuar.
FDA po heton nëse produktet e tilla, aktualisht në treg, janë “të përshtatshme për mbrojtjen e shëndetit publik”.
Objektivi: për të gjykuar nëse përfitimet e nxjerra nga të rriturit (për shembull lënia e duhanit) janë të mjaftueshme për të balancuar rrezikun e paraqitur për më të rinjtë.
“Cigaret elektronike përmbajnë nikotinë, që mund të alterojnë zhvillimin e trurit të adoleshentëve, tha FDA.
“Përdorimi i nikotinës në adoleshencë, gjithashtu, mund të rrisë rrezikun e varësisë nga droga të tjera më vonë”, shtoi rregullatori amerikan.
FDA tashmë ka ndaluar disa milionë produkte, por ende nuk ka marrë një vendim për ato që mbizotërojnë tregun.
